💙عطرى جسمك وخليه زى الحرير فى نفس الوقت
اوﻻ جسمك
•ﻻبد من الشاور اليومي وفي الحر الشديد مرتين في اليوم.
•في بنات كتير بتستخدم برفان على مزيل للعرق والجسم اصلا مش نضيف.
•البرفان والحاجات دي بتختلط بريحة الجسم وبتعمل ريحة غير مستحبة في اﻻخر.
•يبقى اول حاجة الشاور ولو الخطوة دي ما تمت يبقى صعب تنفذي الخطوات اللي بعدها.
•من الحاجات الجميلة اوي انك تستخدمي شاور جيل ريحته فواحة زي لوكس.
• ﻻزم تعملي ازالة شعر باستمرار بأي وسيلة ترتاحي فيها لكن ﻻزم يزال ﻻن وجود الشعر في الجسم بيسبب روايح كريهه.
•بعد الشاور بتاعك ﻻبد من تجفيف كويس جدا وخصوصا اﻻماكن اللي فيها تنيات او اﻻماكن الداخلية اللي بتكون مكتومة على طول في الملابس.
•منطقة مهمة جدا خدي بالك منها هي منطقة خلف اﻻذنين متنسيهاش وانتي بتغسلي وشك ﻻنها مكان لتجمع روائح كريهه.
•وشيلي الحلق بتاعك كل اسبوع نضفيه والبسيه تاني.
♡نيجي بقى للتعطير:
عشان نعطر ﻻزم عندنا حاجتين
• لوشن الجسم اللي انتي بترتاحيله.
• زيت بيبي جونسون واضافة بعض قطرات من الزيت العطري.
•كريم للجسم زي كريم دوف.
♡طيب الجزء التاني اللي هو العطر
•هتروحي ﻻي محل من محلات تركيب العطور وتاخدي زيت خام للبرفان اللي انتي بتحبيه.
•اكتر حاجة حلو وفعلا ريحتها ثابته هو زيت المسك اﻻبيض المخلوط بالعنبر ريحته تحفه تحفه وبيقعد معاكي طول اليوم وحتى لو ما استحمتيش اليوم اللي بعده بتفضل ريحتك برضه مسك وعنبر ومتنسيش تعطري ورا ودنك.
•من الزيوت الرائعة اللي جميلة جدا زيت الفانيليا او الفانيليا ريحته رقيقه جدا.
هنعمل ايه :
•ازازة اللوشن او الكريم بتاعك هتضيفي عليه 6 مل من الزيت العطري .
☆ملحوظة
الخلطة دي بتستخدميها لكامل الجسم ما عدا الوجه والمناطق الحساسة.
●نيجي للمناطق تحت اﻻبطين والمناطق الحساسة :
•طبعا ﻻن دي مناطق معرضة للاسمرار هتستخدمى بيبي كريم.
وده ﻻن المناطق دي معرضة للاحتكاك الدائم فالكريمات دي بتقلل الالتهابات وهي بتستخدم للبيبيهات فهي خفيفه وامنه جدا.
•استخدمي المسك الابيض لتعطير المنطقة الحساسة او استخدمي زيت الورد للتعطير ولتفتيح المكان.
☆ملحوظة هامه للمنطقة الحساسة:
•ﻻزم تغيري اﻻندر كل 4 ساعات او لو بتستخدمي الفوط اليومية تتغير كل 4 ساعات
●نيجي لتعطير الشعر:
•انا شايفة ان كريم فاتيكا او هيمالايا من الكريمات اللي بتدي ريحة حلوة اوي للشعر.
بس لو عايزة ريحة قوية وثابته زودي على الكريم زيت جوز الهند الخام أو بعض قطرات خفيفة من زيت الفانيليا بتفضل الريحة في شعرك يومين تلاته كمان.
نصائح سريعه:
♡اوﻻ ﻻزم تعملي ملابس لتنضيف البيت والمطبخ واول ما تخلصي خدي الدش بتاعك وتغيريها فورا.
♡ملابسك استخدمي البرفان اللي ترتاحي فيها.
♡ملابسك الداخلية اغسليها بشاور جل او شامبو بتفضل ريحتها فيها.
♡اول ما تنشف وانتي بتطبقيها وتدخليها الدوﻻب رشي عليها بارفان واقفلي عليها الدوﻻب كويس هتبقي عطرتي ملابسك وعطرتي الدوﻻب.
☆متنسيش تعطير فمك:
•معطرات الفم موجوده بكل مكان.
•خلي دايما معاكي هولز نعناع او كلورتس نعناع.
☆خليكي فاكرة ان ريحة جسمك تنبع من اكلك .
•المشروبات زي النعناع والينسون والشاي اﻻخضر بتخلي ريحة جسمك حلوة.
•المشروبات اللي زي الحلبة بتخلي جسمك ليه ريحة كريهه شويه