الرؤوس السوداء هي ناتجة عن زيادة افراز الدهون من الغدد الدهنية اللي ف نهاية بصيلة الشعر لما بتطلع الدهون دي بتلاقي خلايا ميتة تحتجز فيها بس كدا و ده كمان بتحتجز جواها بكتيريا ضارة عشان كدا بتتحول للون الاسود بعد م تطلع على سطح الانف.
هو انا ينفع اشيلها كل قد ايه؟ سؤال غلط جداً لان مش معنى انها رؤوس سودا اني لازم اشيلها كل يوم او كل اسبوع تخيلو انكم لما تشيلوها او تحاولو تشيلوها سواء بالايد او بالاجهزة المخصصة لازالة الرؤوس بشكل دوري يعني يومي او اسبوعي ف ده بيخليها تطلع اكتر و كمان لو راحت و حظك كان حلو ف هي هتسيب مكانها بقع بيضا او مسام واسعة .
⭐️نستخدم الاجهزة دي كل قد ايه؟
استخدميها كل شهر مرة واحدة أو مرة كل شهرين مع المحافظة على روتين للمنطقة دي .
⭐️ ايه روتين الحفاظ على مناطق ظهور الرؤوس السودا عشان اقلل من شكلها او ظهورها؟ .
1- استخدام غسول مرتين يوميا و التركيز على نضافة مناطق تجمع الرؤوس السودا عشان منعاً لضرر تراكم الدهون و البكتيريا.
2- التونر مهم مع الرؤوس السودا لانه بينضف بعمق (اي نوع مناسب لبشرتك مرة فاليوم).
3- استخدام صن بلوك و انتِ خارجة و ده شيء مهم جداً.
4- اسكراب اسبوعي لمنطقة تجمع الرؤوس السودا سواء اسكراب طبيعي (قهوة + زيت زيتون) او اسكراب عادي.
5- ماسك تقشر مش عالوش كله على الذقن اللي فيها رؤوس سودا اسبوعياً.
سواء طبيعي (بياض البيض + منديل) او عادي (قناع تقشير الفحم).
6- ده لا يمنع ترطيب المنطقة بشكل دوري زي كانك بترطبي بشرتك يومياً عادي جداً.
⭐️ ماسك رااااائع لازالة الرؤؤس السوداء:
قومي بمزج معلقه من الجيلاتين البودر مع ماء مغلي وقوامه يكون مثل عسل النحل ولما يكون دافئ افرديه ع البشرة وسبيه ينشف كويس اوي ولما ينشف هتقشريه وهتلاقي الرؤوس السوداء طلعت اغلبها وداومي عليه كل اسبوع.
ليست هناك تعليقات