وصفات لمنتجات غالية تقدري تعمليها بنفسك وهتفرق معاكي جدا
١-سيرم للبشره:
مكوناته:
ربع كوبايه زيت ارجان.
٥ قطرات زيت كركم.
٤ قطرات زيت ورد.
كبسوله فيتامين e.
حطيهم كلهم ف ازازه ورجيهم كويس.
طريقه الاستخدام:
نقطتين قبل النوم علي وش نضيف .
بيفتح البشره وبيعالج آثار الحبوب والبقع ف الوش وبيشدها ويخليها نضره .
٢- سيرم تقويه وتطويل الاضافر وازاله الاصفرار:
٤٠ مللي زيت زيتون
١٠مللي زيت ليمون.
كبسوله فيتامين e.
نقطه زيت لافندر.
نقطه زيت ورد.
اخلطيهم كلهم وحطيهم ف رول البرفان الصغير بيتباع عند اي محل تركيب عطور ومشيه علي الضوافر والجلد اللي حواليهم كل يوم مرتين تلاته اربعه براحتك.
٣-مقشر الجسم بيفتح البشره ويشدها وبيقشر الجلد الميت:
نص كوبايه زيت جوز هند او ارجان.
نص كوبايه قهوه.
٨ معالق كربونات صديوم.
معلقتين سكر بني.
نقطتين زيت عطري.
اخلطيهم كلهم وافركي جسمك وهو مبلول ومتنسيش تمشي علي جسمك قطنه بمايه ورد بعد ما تخلصي علشان تقفلي مسام جسمك.
٤- مقشر توريد وتقشير الوجه:
ربع معلقه كركديه مطحون.
ربع معلقه زيت جوز هند.
اخلطيهم سوا وافركي وشك وهو مبلول .
٥-مقشر الفراوله للجسم:
للترطيب والتفتيح والتعطير.
ربع معلقه زبده فراوله.
ربع معلقه سكر بني.
اخلطيهم سوا وافركي جسمك وهو مبلول.
٦-كريم مزيل للعرق:
ربع كوبايه زبده شيا خام.
٣ معالق زيت جوز هند
٣ معالق كربونات صوديوم
معلقتين نشا
٣ نقط زيت شجره الشاي
٤ نقط زيت لافندر
الطريقه
هتسيحي زبده الشيا علي حمام بخار او ف الميكروييف وتضيفي باقي المكونات وتقلبيها كويس وتسيبيها تجمد وهيبقي كريم تستعمليه كل يوم علي بشره نضيفه
بيفتح وينضف ويخلي الريحه جميله.
٧-كريم ترطيب تستعمليه لجسمك لو بتعملي شيفينج:
٣ معالق زيت جوز هند
٤ معالق كبار زبده شيا خام
معلقتين زيت لوز حلو
١٠ نقط زيت البابونج
سيحي زبده الشيا وضيفي الزيوت واستعمليه بعد الشيفينج .