هنتكلم عن الطريقه الصحيحه لازاله الشعر بالشفرة او الشيفينج .
علشان تتجنبي جفاف الجلد وجلد الوزة والبثور السوداء الناتجه من الحلاقة.
- اول حاجه تختاري نوع شفرة يكون كويس
وتكون شفرات نسائيه .
ليه علشان الشفرات دي بتكون مصاحبه معاها جيل ملطف للبشرة وما يعملش التهاب ليكي وانتي بتشيلي الشعر .
- الشفره مهم جدا تكون اكتر من موسين فيها
كل ما تكون كتيرة تكون اقل الما واكتر لشيل الشعر
انا افضل بتكون اربعه او خمسه موس فيها
بتكون ناعمة علي الجلد وجميله جدا.
- قبل البدء من ازاله الشعر بنص ساعه
ترطبي جلدك كويس جدا باي مرطب او زيت جونسون ومهم جدا كمان تقشير الجلد قبل البدء
ممكن معلقه سكر وزيت زيتون او سكر وعسل او مقشر جاهز زي ما تحبي والمتوفر عندك
وتفركي المكان بليفه خشنه هتقشر معاكي الجلد الميت بسهوله .
التقشير ده بيساعد ان الشفره تشيل اسرع وتخلصك من كل الشعيرات حتي الصغيرة خالص بتطلع معاكي وما تكوني عرضه لجلد الوزة ابدا.
- تستخدمي جيل للحلاقه زي فينوس او نيفيا او فيت كلهم انواع جيل للحلاقه
او بلسم شعر او شاور جيل وانت بتشيلي الشعر مينفعش خالص عل جلد ناشف هتدمري الجلد وينتج عنه جروح والتهابات وحبوب وبلاوي .
طريقه الازاله:
* مهم جدا جدا جدا انك تشيلي الشعر في اتجاه نموه
مش عكس نموه لان العكس بيساعد علي ظهور نقط حمراء وبثور وبيفتح مسام الجلد بشكل بشع .
* بتكون من فوق لتحت وما تسحبيش المكنه بخط واحد تشيلي حته حته بتشيل احسن وما تترك شعر صغير.
* تغسلي بميه باردة لازم علشان تقفلي مسام الجلد
تاخدي بقي شاور وتطلعي وتنشفي جسمك كويس
وترطبي ب أي مرطب عندك او زيت جونسون او زيت الورد او زيت شجرة الشاى رووعه للجسم .
• الماكينه :
نضيفيها كويس وتعقميها بكحول او ديتول افضل
وتغطيها بالغطا الخاص بيها علشان متبقاش عرضه للميكروبات تنمو عليها وتتعبك بعد كده.
•عيوب الازاله بالشفره:
- ظهور الشعر بسرعه عايزة تعملي باستمرار علشان تبقى ناعمه عل طول .
• ميزته انها طريقه سريعه وسهله .
لو استخدمتي صح عمرك ما هتشتكي من حبوب ولا بثور ولا اي مشاكل والترطيب بعد الازاله بيحميكي من الاسمرار والغمقان .
واحسن طريقه لازاله الشعر السويت لانها بتفضل فترة علي ما يطلع الشعر.
تسلمي👍👍
ردحذف