1- شيڤينج الوش بيتعمل مرة واحدة بس في الشهر او مرتين بالكتير اوي و مش اكتر من كده.
2- شيڤينج الوش بيتعمل للناس اصحاب الوش اللي بيطلع فيه شعر خفيف جدا جدا يعني مينفعش مع الناس اللي بيطلعلها شعر في وشها تقيل و طويل .
3- شفرات الوش مينفعش اعمل بيها منطقة حوالين الفم ولا اللي مابين الحواجب.
4- أي إزالة للشعر هتعمليها سواء وشك او جسمك ال sensitive area بيتم إزالته بعد البيريود ما بتخلص غير كدة مينفعش يتشال و انتي عندك البيريود او حتى و انتي في ال PMS ( دي الفترة اللي بتبقى قبل البيريود كدة بأسبوع مثلا ).
5- قبل إزالة أي شعر من الجسم او الوش برضو او المناطق الحساسة لازم تعملي خطوتين مهمين جدا جدا و هما إنك :
1) تغسلي المنطقة اللي هتشيلي منها الشعر دي كويس سواء بغسول او اي حاجة مرتاحة ليها.
2) إنك تقشري بسكراب و دي خطوة مهمة جدا قبل إزالة الشعر .
6- بعد إزالة الشعر برضو في أي منطقة و specially في المناطق الحساسة و الوش
انك تعملي الخطوتين دول و هما :
1) انك تقفلي المسام بتلجاية او تغسلي المنطقة بمية ساقعة
2) هتجيبي قطنة او منديل نضاف و هتحطي زيت چونسون على زيت ورد بكميات متساوية او يستحسن ان زيت الورد يبقى نص كمية زيت چونسون + لازم تبقي رقيقة جدا وانتي بتمسحي بالقطنة علي جسمك لإن راعي انك بتبقي لسه عامله إزالة للشعر فا ممكن يحصل إحمرار او جسمك يلتهب .
و بالنسبة لعدد المرات
فا بتعملي مرة بعد السويت زي ماقولنا و ممكن مرة كمان في الاسبوع هتوفي بالغرض و ممكن نقول انها بتبقى اكتر علي حسب طبيعة كل جسم انتي لو جربتي تستخدميه بشكل يومي ولقيتي نفسك ماشية كويس و محصلش اي حاجة يبقي استخدميه بشكل يومي خلاص و امشي عالروتين ده بس هي الفكرة ان في ناس مش بتحتاج تعمل الموضوع ده كتير او درجة الإسمرار اللي عندها في المناطق دي مش بتبقي جامدة فا بيستخدموه مرة بعد السويت و مرة كمان كل اسبوع و خلاص .
طب هتفيدني في ايه الخطوة دي ؟
اولا : لو في اي بقايا لجلد ميت او السويت او الواكس هيتشالوا .
ثانيا : هترطب المنطقة دي جدا جدا و مش هتخليكي تحسي بحرقان او إحمرار او إلتهابات .
ثالثا : هي بتفتح جدا جدا و بتدي نتيجة ملحوظة و انتي بتمسحي المنطقة دي بالقطنة هتلاحظي الفرق و كل الإسمرار ده هيطلع في القطنة او المنديل و الجلد الميت كمان .
7- لازم لما تفرقي مابين مزيل العرق و مزيل رائحة العرق
ان احنا عندنا بعض الغلط في المفاهيم و هي ان احنا بنروح نجيب مزيل عرق مش مزيل ريحة عرق و هتقولولي تفرق
اه طبعا تفرق جدا مزيلات العرق دي لوحدها مصيبة سودا متفتكروش ان المزيل اللي بتيجيبوه و بتحطوا منه و تلاقوه قعد معاكوا طول اليوم من غير مايخليكوا تعرقوا دي مش حاجة لطيفة خالص او واو او تحفة علي فكرة انتوا كدة بتأذوا نفسكوا عارفين يعني ايه انكوا متعرقوش
يعني متطلعوش السموم اللي في جسمكوا و تفضل متخزنة لحد ما بتعمل خراجات او التهابات و حبوب تحت الجلد و كل ده بيحتاجله تدخل جراحي و بيعرضكوا لمشاكل كتير
الصح اننا نجيب مزيل ريحة عرق لإنه بيخلينا نعرق طبيعي بس ميبقاش فيه ريحة نهائي و ده افضل كتير لإنه مش بيسد المسام بتاعة الجلد و لا بيأثر عالجلد ولازم يكون طبيعي 100%
8- ال deodrents لازم لما نيجي نحطها تكون المنطقة دي نضيفة تماما لازم تكون غسلاها كويس و كمان تكون عاملاها سواء بسويت او ب واكس او غيره المهم انها تكون نضيفة.
9- ترتيب الوسائل بتاعة إزالة الشعر من أحسن حاجة لأوحش حاجة بالنسبالي :
1) الليزر .
2) الواكس .
3) السويت .
4) الشيڤينج .
5) الكريمات (و منصحش بإستخدامها اصلا خالص) .
10- احسن المخدرات بالنسبالي للمناطق الحساسة و اللي انا نفسي بستخدمه لما باجي اعمل واكس سواء بيكيني او اندر أرم
مخدر رش اسمه ( lignocaine )
و احسن مخدر هتستعملوه قبل الديرما رولر ( pridocaine )
11- لو معندكوش سيرم تحطوه علي وشكوا بعد استخدام الديرما رولر اغسلوا وشكوا بمية فاترة و تجيبوا قطنة فيها زيت چونسون و تمسحوا بيها علي وشكوا .
12- الإسكرابات الطبيعية بتاعة الوش اللي هي زي
( القهوة - الرز أو غيره) بنستخدمها مرتين بس في الاسبوع
13- لو الصابون المغربي بتاعك خلص او معندكيش اصلا استخدمي بداله خل و هو بينضف جدا جدا و بيشيل الجلد الميت و بيفتح الجسم و مفعوله اقوى من الصابون المغربي كمان و الموضوع ده بيتعمل مرة واحدة في الاسبوع maximum .
14 - شعرك لازم عالأقل كل اسبوع او اتنين تعمليله حمامات زيوت عشان الترطيب و الهيشان و التقصف و يبقي شعرك صحي و قوي و كمان عشان الزيوت بتفيد في التتقيل و التطويل.