ندااء لاصحاب البشره الدهنيه و المختلطه
اولا دي خطوات حمام البخار :
١) بنجيب حله متوسطه او صغيره نظيفه جدا و نملي ربعها او نصها مايه و نحط فيها ( شرايح ليمون او شاي اخضر او نعناع او زعتر) و نحطهم علي النار
انا بعمله بشرايح الليمون و الشاي الاخضر و النعناع بيفتح البشره و بينظف الوش جدا.
٢) علي ما المايه تغلي بنجهز السكراب اللي هو (معلقه قهوه و معلقه سكر و معلقه عسل و نص ليمونه او مايه لو وشك حساس من الليمون )
٣) جيبي الصابون المغربي معلقه و حطي عصره لمونه و ادمجيهم ببعض )
٤) شيلي الحله من علي النار و حطيها علي التربيزه و حطي وشك مسافه شبرين من الحله بس لازم يكون في فوق راسك فوطه علشان البخار ميوصلش لشعرك.
٥) تقعدي ٥ دقايق وشك في البخار و بعدين ترفعي وشك و تنشفيه كويس جدا و تحطي علي وشك الصابون المغربي اللي عملناه بالليمون و ترجعي تحطي وشك في البخار بيه لمده ٥ دقايق.
٦) و بعدين بتغسلي وشك من الصابون كويس جدا جدا تحطي السكراب اللي عملناه و تفركي وشك براحه جدا دقيقتين كده و تسبيه ٥ دقايق علي وشك و بعدين تشطفيه.
٧) ممكن اللي عنده رؤوس سوده يعمل ماسك الفحم بعد كده بيكون هايل خصوصا ان المسام بتكون مفتوحه .
٨) حطي ماسك الطمي علي الجزء الدهني بس واستخدمي اي نوع طمي انتي بتحبيه ولما بينشف تغسليه.
٩) بعد كده حطي الماسك التحححففففه من باادي شوب british rose للترطيب و النضاره رووعه بجد مش خساره فيه الفلوس.
ممكن طبعا تعملي ماسك من مكونات البيت زي الشوفان و البن او النشا و اللبن و لبن نيدو اي ماسك يرطب بس .
١٠) بعد كده التونر نقفل المسام او مكعبات ثلج مايه ورد
(انا بعمل مكعبات تلج ليمون و شاي اخضر ) و بالنسبالي احسن من اي تونر بصراحه.
١١) بعد كده ترطييب بقا كريم الترطيب الخاص بيكي و بعنيكي او جل الصبار اللي بترتاحي عليه