اهم نقطه في العنايه بالشعر هي الاكل و الشرب و اللي للاسف كتيير اوي مش بيهتمو بالموضوع دا و بيشتكو ليه بيقع و ليه بيبوظ و يدفعو مبالغ كبيره في الادوية التي لا تعالج هذه المشاكل ..
**المكملات الغذائية:
مفيش حد يقدر يغير طبيعة الشعر أو كثافته ممكن تحسني ملمسه او تغلفي الشعرة بمواد تحميها و تخلي شكلها أحسن بالعناية الخارجية لكن الأساس هو مدى قوة الشعرة و صحتها ودا مش ممكن يحصل لو مش بتشربي مية كفاية او مكملات غذائية للشعر
أنا مش بنصح ببراند معينة لأني ببساطة ما قدرش احصي كل شي متوفر فصعب أحكم لكن الجأي للطبيب المختص وهيقوم بأعطائك فيتامينات لتقوية الشعر و الأظافر و ايقاف التساقط جودتها عالية و ممكن تناسبكم .
أهم شي يكون فيها بيوتين و مركبات الفيتامين ب و المعادن اللازمة
**نيجي بقي للجفاف
بالرغم انه الكل يعرف خطورة الجفاف و تأثيره السلبي على صحة الشعر و البشرة إلا انه قليل اللي يهتم فعلا بشرب كميات كافية من الماء يوميا و يكتفوا بالشرب عند العطش وبس
وقلة شرب المية هتخلي شعرك جاف
اسهل طريقة لحل المشكلة انك تشربي مية 2 لتر صبح وليل ازازة خاصة بيكي تخلصيها
**غسيل الشعر
أولا أنا ضد غسل الشعر كل يوم لأنه بيسبب جفاف و تقصف للشعر مرتين كل اسبوع او عشر ايام يكفي.
لازم تفهمي طبيعة شعرك و تجربي و تشوفي ايه اللي ينفع لو فروة رأسك دهنية لازم تستعملي شامبو ينظف بعمق مرة في الأسبوع شامبو الحصان ، فيشي ، نيزورال أو اي شامبو طبي يناسبك)
**البلسم
البلسم دوره الأساسي هو اعادة الترطيب للشعر بعد الغسيل ؛
وبيحميه من الجفاف وحاليا بقي ف انواع بلسم معالج
ف بالتالي
فروة نظيفة = نمو أسرع للشعر
أطراف مترطبة = الحماية من التقصف
مافيش حاجة اسمها أفضل شامبو او أفضل بلسم لأنه ببساطة الشامبو دوره محدد تنظيف الفروة و الشعر من الترسبات لو ناسبك و مش بيسبب اي مشكله فهيساعدك ضمن روتين كامل على الحصول على شعر صحي كثيف و يطول بسرعة لكن لوحده هيبقي نتايجه محدودة.
**حمام الزيت
هدفه ترطيب الأطراف بعمق يعني متحطهوش عالفروة فترات طويلة أبدا عشان ميسدش المسام و يبدأ التساقط من تحت الأذن لحد نهاية الشعر.
في زيوت كثيرة تنفع لحمام الزيت و ممكن تخلطي اكتر من نوع .
افضل ثلاث مكونات لحمام الزيت هي:
زبدة الشيا بعد ما نذوبها في حمام مائي ➕ زيت الزيتون ➕ زيت جوز الهند العضوي .
تخلطيها مع بعض أو حطي نوع واحد حسب مزاجك و المتوفر بس الزيوت رهيبة لعلاج التقصف .
🔘حمام الزيت أفضل شي يكون دافي عشان يتغلغل في الشعر بسهولة ( دافي مش سخن )
و في حاجة تانية مهم نعرفه حمام الزيت لازم يتحط على شعر ناشف مش مبلول .
ليه ؟ لأنه المية و الزيت مش بيخلطوا أبدا
يعني لو هتحطي حمام زيت في الشاور أو بعد ما تغسلي شعرك المية هتمنع وصول الزيت للشعرة و تكون طبقة عازلة و بالتالي مش هتكوني استفدتي حاجة ابدا .
**الماسك
مافيش أفضل من الماسكات الطبيعة لتغذية الشعر .
من أفضل المنتجات الحلوة للشعر و ممكن تستعمليها حسب توفرها عندك :
حليب جوز الهند، الأفوكادو، المايونيز، العسل ، الزبادي
الماسك حتى لو فيه زيت يتوزع على كامل الشعر مع التركيز على الأطراف لمدة عشرين دقيقة الى نصف ساعة فقط .
اشياء مفيدة لصحة الشعر:
1: العسل من أفضل الطرق الطبيعية للحفاظ على ترطيب وتنعيم الشعر والمساعدة على تقوية بصيلاته كما أنه يحتوى على مواد مضادة للجراثيم والبكتيريا تحارب قشرة الشعر والالتهابات.
2:زيت جوز الهند يساعد على الاحتفاظ برطوبة الشعر وتنعيمه وتعزيز صحته وتقوية بصيلات الشعر.
3:زيت الزيتون يحتوى على نسبة كبيرة من الفيتامينات والعناصر الغذائية التى تساعد على تغذية الشعر وحمايته من التلف والتساقط وتساعد على نموه بشكل صحى وسليم.
4:زيت بذور العنب من افضل الزيوت الطبيعية التى تساعد على محاربة قشرة الشعر والتخلص من التلف والتساقط كما انها تعالج بهتان الشعر الناتج عن الافراط فى استخدام المواد الكيماوية.
5:زيت الأفوكادو يعمل على تغذية بصيلات الشعر ومحاربة التلف والتساقط والقشرة.
7:خل التفاح واحد من افضل الوصفات الطبيعيه التى تساعد على القضاء على قشرة الشعر.
8: زيت السمسم وهو من أفضل الزيوت التى تساعد على علاج مشاكل الشعر وتحافظ عليه من التلف والتساقط كما أنه تعمل على ترطيبه وتنعيمه ومن الممكن خلطة مع عصير الليمون وتطبيقه على الشعر.
9:زيت اللافندر يعمل على ترطيب فروة الرأس وتعزيز نموه والحفاظ عليه من التساقط والتلف فمن الممكن خلطه مع زيت الزيتون وتطبيقه على الشعر لمدة ساعتين ثم غسله بالماء الفاتر.
10:زيت البابونج وهو من الزيوت الرئيسية التى تساعد على علاج جميع مشاكل الشعر حيث انه يحتوى على نسبة كبيرة من الفيتامينات والعناصر الغذائية التى تساعد على حماية الشعر من التلف والتساقط ويعطيه قوة ولمعان.
11: زيت الزعتر فضلا عن فوائده العديدة لصحة الجسم إلا أنه يحتوى على كمية كبيرة من الفيتامينات والعناصر الغذائية التى تساعد على تغذية بصيلات الشعر وتنعيمه والحفاظ عليه من التلف والتساقط والجفاف كما انه يحارب قشرة الشعر.
12:الليمون وهو من الفواكه الحمضية التى تحارب البكتريا والجراثيم وتعزز صحة الشعر وتحارب القشرة والالتهابات فمن الممكن خلطه مع الزيوت الطبيعية وتطبيقه على فروة الرأس.
13:زيت النعناع يعمل على تطهير فروة الشعر من الجراثيم والبكتيريا ومحاربة القشرة وترطيب الشعر والتخلص من الجفاف.
14: زيت شجرة الشاى يحتوى على نسبة كبيرة من الفيتامينات والمكملات الغذائية التى تحافظ على صحة الشعر.
ليست هناك تعليقات