_ هاتى علبه فاضيه وحطى فيها لون طعام احمر وعسل ابيض وزيت جوز الهند وقلبيهم مع بعض وحطيهم فى دولاب الحمام الصغير بتاعك واعملى اسكراب لشفايفك ٤ مرات فالأسبوع منه دقيقتين هيشيل التشققات والجلد الميت وهيرطبها وهيخلي لونها وردى وجميل جدا.
_ هاتى علبه كبيرة فاضيه وحطى فيها سكر وبن وزيت جوز الهند وقلبيهم كويس مع بعض وسبيهم فى دولاب الحمام برضوة وانتى بتاخدى شاور خلى جسمك ياخد شويه سخونيه من الدش وابدأى حطى على جسمك وسبيه عشر دقايق وبالليفه بتاعتك وابدأى ادعكى بحركات دائريه هينزل كل الجلد الميت اللى فالجسم والاتربه وكمان هيقلل جلد الوزة من الرجل وهتبقى فله.
_ عندك جلد وزة فى رجلك ده اكيد اكيد من قله عمايل الاسكراب للرجل قبل السويت او اى وسيله بتزيلى بيها الشعر وعدم الترطيب بعد ازاله الشعر طب هتعملى ايه ؟ هتدفى اى مكان هتعملى فيه سويت ببخار الدش فالتواليت وبعدين تبدأى تفردى السكر والبن وزيت جوز الهند على اى مكان هتعملى فيه وتسبيه عشر دقايق وبعدين تبدأى تدعكى بالليفه بتاعتك كويس وتشطفى بمايه ساقعه وتنشفى وتخرجى تعملى السويت او اى طريقه بتفضليها وتشطفى جسمك وتحطى المرطب بتاعك وبس .
_ وشك بيأكسد وبتحطى ماسك ودقيقتين ويرجع تانى لطبيعته ؟ يبقى هتجيبى باكت شاى اخضر وباكت نعناع ناشف ومايه الزبادى تحطيها عليهم ومعلقتين زبادى وتقلبى كويس اوى وتحطى نص ليمونه لو بشرتك حساسه بلاش بلاش بلاش ليمون وتفرديه على وشك لحد مايبدأ ينشف نص نشفه وتبدأى تفركى كويس وتشطفى وشك واهم من كل ده ان قبل ماتحطيه يكون وشك نضيف ومتنسيش الترطيب تحفففففففه بجد جربته تحفه وممكن تعمليه لأى حته فالجسم عادى .
_ لو فى مناخيرك رؤس سودة هتجيبى من عند العطار ب ٢ جنيه جلاتين بدون اى اضافه وتحطى معلقه منه على معلقه مايه مغليه او معلقتين وتقلبى وبعدين تفرديه على مناخيرك وتحطى عليه منديل لحد ماينشف خالص وابدأى شدى مناخيرك هتبقى سيراميك ومتنسيش الترطيب .
_ عندك تجاعيد فى وشك هتفضى كبسوله فيتامين E على معلقه عسل ابيض على معلقه جل صبار وتقلبى وتفرديهم على وشك لحد ماينشفو وتبدأى تشطفى ومتنسيش المرطب.
_ رقابتك لو غامقه عن وشك فهتعمللها اسكراب البن والسكر والقهوة اللى كتباه فوق وبعدين هتجيبى معلقتين عصير طماطم ومعلقه نشا وتقلبى وتفردى على رقبتك لحد ماينشف شويه وافركى واشطفى ورطبى .
_ اعملى وشك قبل يوم الوقفه بيوم وهاتى مرهم بيتاديرم بعد ماتعملى وشك تحطيه فاليوم اللى هتعملى فيه مرتين وتانى يوم ٣ مرات وتسبيه ينشف على وشك عشان ميطلعلكيش حبوب بسبب الفتله وبلاش تعملى وشك بالشمع ممكن فتله او شفرة ووشك هيبقى عالعيد قمر .
_ هاتى معلقتين زبادى ومعلقه مايه ورد ومعلقه عسل ابيض وقلبيهم على بعض وافرديه على وشك واهم حاجه يكون نضيف من اى مكياج واتربه اغسليه بالغسول بتاعك او اى صابونه طبيه بتستعمليها وسبيه نص ساعه واشطفى ومتنسيش الترطيب ، طب مش عندك المكونات دى ؟ هتجيبى رز مطحون وعليه مايه ورد وبرضوة على بشرة نضيفه وتسبيه نص ساعه وتشطفى وترطبى هتبقى قمر .
_ لو شعرك بيهيش وانتى مش محجبه وعندك خروجه هتجيبى نص كوبابه مايه وعليها معلقه زيت جوز الهند وتقلبيهم كويس مع بعضهم وتحطيهم فى بخاخه وترجيهم كويس وترشى على شعرك وينفع للمحجبات اللى بيسيبو شعرهم فالبيت.
_ هتجيبى معلقتين سمنه من اللى بتعملو بيها الاكل على معلقتين جوز الهند وعلبه زبادى ونقطه مايه ورد وتقلبيهم على بعضهم وتشطفى شعرك كويس وتسبيه ينشف خااالص وتفردى الماسك دة عليه وتلفى شعرك ساعه واشطفى واوعى الماسك يقرب من فروة راسك عشان ميعملش دهون وقشرة ، هيرطب شعرك جدا جدا وهيفرده وهيبقى تحفه .
_ طب عاوزة تعملى كيرلى خفيف فى شعرك ومعندكيش مكواه الكيرلى ؟ هتقسمى شعرك نصين وتاخدى من النص اللى قسمتيه فى شعرك شويه شعر تلفيهم على قلم رصاص كويس وتجيبى المكواه بتاعتك وتمشيها على الشعر اللى لفاه عالقلم ده دقيقتين تلاته وسيبى الشعر وابدأى اعملى حته تانيه ومتنسيش السيروم اللى بتستخدميه قبل المكواه لتقلقيل الضرر .
_ بلاش تحطى ريحه ياحبيبتى عشان حرام وهتاخدى ذنب اللى هيشم ريحتك هتعملى البديل ايه بقا ؟ هتجيبى من الصيدليه كريم العود الملكى هوأزرق فى أبيض ومن الصيدليه عشان تضمنى انه الاصلى وبعد ماتغسلى منطقه الاندر ارم وتنشفيها كويس جدا هتفردى الكريم عليها تحفه بيمحى ريحه العرق وقبل ماتلبسى هدومك هتجيبى اى اسبراى عندك للعرق برضوة وتكون ريحته خفيفه جدا هترشيه على هدومك من جوة وبلاش ترشى عند الاندر ارم لانك هتكونى حاطه كريم اصلا هيخلى ريحتك هاديه جدا وريحه جسمك لطيفه جدا ومحدش هيشم ريحتك .
_ بعد ماتعملى ازاله للشعر للأندر ارم هتجيبى ليمونه تقسميها نصين نص لدراع ونص لدراع وتدعكى الليمونه دقيقتين لدراع ودقيقتين لدراع وتفردى النشا ربع ساعه ولما ينشف نص نشفه كده هتبدأى تفركى كويس جدا هيطلع السواد وهيفتح المنطقه جدا ومنتسيش تنشفى وتحطى كريم العرق بتاعك .
_ وهكذا البكينى هتعملى فيه نفس الماسك بتاع الاندر ارم بزياده معلقه مايه ورد فقط وتشطفى وتنشفى ومتنسيش عامه بعد التواليت تنشفى المنطقه كويس جدا جدا وتلبسى قطن عشان ميطلعش ريحه مش لطيفه ولا افرازات وهاتى مسك الطهارة من اى صيدليه او بيوتى سنتر او سيلر وحطى فالبانتى عشان ريحتك تبقى حلوة دايما ولو مش فى مقدرتك تجبيه حاليا هاتى تركيبه ريحه ب ٢٠ جنيه من اى عطار ورشى عالهدوم من برة الريحه هتبقى لطيفه ومش هتضايقك ابدا .
_ هاتى نشا وليمون ومايه ورد ومعلقه عسل ابيض وجل صبار وقلبى كله على بعضه وحطى على أكوع
ايدك وركب رجلك وقبل ماينشفو افركى كويس جدا واشطفى وبرضوة متنشيش الترطيب .
_ لو هتعملى كوبايتين شاى اخضر فاليوم مترميش الاكياس بعد ماتشربيها حطيها فى طبق وفالفريزر وقبل ماتنامى بالليل افرديهمم على عنيكى الهالات. هتخف جدا وهيبقى وشك جميل عالعيد لو بدأتى تعملى ده من النهارده.
_ لو الليب بالم بتاعتك خلصت هتجيبى بنجر تقطعيه مكعبات بتجبيه من اى هايبر ماركت او سوق وعسل أبيض وزيت جوز الهند وتضربيهم بالمضرب وتصفيهم بالمصفه وتسبيهم يجمدو وتبدأى تستخدميهم روج وتنت وتدهنى بيه كعب رجليكى كمان تحفه .
_ انقعى رجلك فى مايه سخنه فيها ملح وشامبو عشر دقايق وادعكى بالليفه وبالبلسم واشطفيها ونشفى وحطى بانثينول هتبقى ناعمه ونضيفه وشكلها لطيف.
_ هتجيبى ورق سولفان من اى هايبر ماركت وتحطى عليه معجون سنان وتلفيه على سنانك دقيقتين وتشيليه وتدعكى بالفرشه سنانك هتبقى بيضه وقمر .
_ لو حوالين بوقك غامق فلازم بعد الاكل والشرب تغسلى المنطقه دى كويس وتحطى فالضلمه كريم بانثينول وتنامى وتقومى تشطفي وشك عادى .
_ لو عندك حبايه هتجيبى اسبرينه خضرة من الصيدليه وتطحنيها وتحطى عليها نقطه مايه ورد وتحطى عالحبايه ذات نفسها لحد ماتنشف وتشطفى وترطبى.
_ متنسيش اللبان بالنعناع لو خارجه ومتقليش فالاكل بالليل واشربى كوبايه شاى اخضر قبل ماتنامى .