العناية الشخصية

العناية الشخصية بال sensetive area او ال Bikini area 😌.
الجزء الاول :
عبارة عن نصائح و تعليمات لازم نكون بنعملها للحفاظ على نظافة المنطقة و عدم تعريضها لاي مشاكل مستقبليه.

1- من الضروري جداً ان المنطقة تكون جافة تماما لان المية بتعمل بيئة ملائمة لوجود البكتيريا و الفطريات و ده مش صح لانه ممكن يسبب تسلخات و التهابات سطحية او داخلية .
◀️ عشان كدا لازم تنشف بمناديل ورق افضل من اي فوط قطنية .

2- يفضل اختيار انواع الملابس الداخلية القطنية اللي مش هتسبب اي مشاكل زي التهاب او حتى الاسمرار و ده تقريباً اكتر سبب من اسباب اسمرار منطقة البيكيني.

3- عدم استخدام اي عطور او مزيلات او روايح فالمنطقة دي الا لو مخصصة لهذه المنطقة بمعنى ايه ؟ في براندات زي Beesline , femfresh عاملين اسبراي معطر لهذه المنطقة ده آمن جداً .

4- استخدام الفوط الصحية اليومية daily linear من اي براند كويس زي carefree , always او اي نوع بالذات في الخروج .

5- فترات ال period لازم نستخدم انواع كويسة و افضلها حتى الان بيرفيكت.
الانواع التانية او الرخيص منها تقريبا يعتبر مجهول الهوية مش معروف مصنوع من قطن شكله ايه ف خليكو فالاضمن احسن لصحتكم .

6- ازالة الشعر في انواع و اشكال ليها بس طبعاً لكل حاجة ايجابيات و سلبيات واستخدمي اللي هترتاحي عليه وهكلمكم عنها.

7- التقشير باستخدام اسكراب يكون حبيباته تعتبر خفيفة جداً او تقشير كيميائي زي اللي بيعمله bel clinic peeling scrub .

8- ترطيب المنطقة دي مهم جداً جداً لتفادي مشاكل كتير .

9- الغسول المخصص للمنطقة و ده ليه طرق و انواع مختلفة و ده اللي هنركز عليه لانه مش مجرد غسول و مش مجرد اختيار نوع لازم تعرفي بيستخدم ازاي و امتى . ( الغسول العادي لكل البنات ، الغسول المهبلي يفضل للمتزوجين )


( الجزء التاني :

نكمل بقى الخطوات بالتفصيل :

1-ازالة الشعر من منطقة البيكيني : قولنا في اشكال كتير من طرق الازالة زي ايه :
الواكس :
و دي اصعب طريقة من حيث الازالة يمكن يكون احسنها من حيث ان الشعر بيطلع بعد فترة طويلة بس بيسبب ترهلات فالمستقبل .
الليزر :
و دي طريقة بتلجأ ليها بنات و بتكون حسب استشارة الدكتورة.
الشيڤينج shaving:
و دي الطريقة الاسهل دلوقتي و اللي بستخدمها و عن تجربة كويسة جداً مع المحافظة على طرق الشيڤينج الصح و هي الاسكراب ثم ازالة الشعر ثم الترطيب .
2- الاسكراب او التقشير : تقدري تعملي اسكراب للمنطقة قبل ازالة الشعر او حتى ممكن مرة كل اسبوعين بس اهم حاجة اسكراب يكون :
🌸 اسكراب كيميائي زي اللي موجود ف Bel Clinic peeling scrub .
🌸 اسكراب ب حبيبات صغيرة بحيث ميكونش في اي التهاب فالمنطقة زي Nature’s bounty او Bio skincare .
.
3- الترطيب : ممكن يكون من خلال منتجات كتير منها الغالي و الرخيص اهم حاجة مننساش الترطيب لانه هيحل مشاكل كتير منها الغمقان زي ايه بقى :
•سودو كريم.
•بانثينول.
•زينك اوليف.
ترطيبه رائع وأمن جدا لانه مخصص للاطفال.

4- الفوط الصحية اليومية Pantyliners : زي carefree او always مهمين جداً بالذات مع الخروج لانه بيحافظ على نظافة المنطقة دي من الافرازات و العرق .

5- الغسول : و ده مهم جداً للبنات و المتزوجات ازاي ؟ البنات بيقتصر على الاستخدام الخارجي من غير استخدام داخلي اما المتزوجات ف طبعاً فالاستخدامين .
( البنات اهم حاجة بعد ال period و ممكن كل اسبوعين او تلاتة استخدام خارجي و طبعاً منزودش من الغسول لانه بيغير من ph المنطقة دي و اللي بيكون فيها بكتيريا نافعة مينفعش نقتل النافع و الضار بفرط الاستخدام اما المتزوجات ف ممكن كل اسبوع مثلاً )
اهم حاجة ان اي نوع خففيه ب مية و استخدميه عادي .
•غسول جولد.
•سيتيال.
•كير فيري.
•فيم فريش.

6- الاسبراي المخصص لريحة افضل ممكن femfresh او Beesline .
.
7- المجموعة اللي حبيتها فالتفتيح و بفضل انها تكون مع بعض مش منفصلة هي Beesline intimate wash + Beesline whitening sensetive zone cream + Beesline intimate spray .