فيه بنات لسه ماتعرفش أساسيات النظافة الشخصية وبيكتفوا بإنهم بيغسلوا سنانهم ويستحموا وخلاص
🌸الأسنان:
•فرشه ومعجون أسنان سنسوداين صباحا ومساءا وبعد كل وجبة.
وانتي بتغسلي سنانك اغسلي لسانك كمان بالفرشة والمعجون.
•خيط بالنعناع بيتباع بالصيدليات ودا للتنظيف بين الأسنان والضروس .
مهم اوي بقى الخيط دا للناس اللي بتشتكي من ريحة بقها متغيره حتى بعد غسيل الاسنان.
•لبان ترايدنت قرفة أو فراولة حلو بيعطر ريحة الفم انا مش بحب النعناع بس هو حلو برضه ترايدنت او كلورتس.
🌸الشعر:
•الشامبو مرة كل أسبوع وأحيانا لو الشعر دهني بنصح بشامبو مرتين كل اسبوع .
الشامبوهات أنواع كتيرة منها
منها الطبى زى سترونج ڤيل و الوكيتا و هير ماكس.
ومنها العادي زي دوف ولوكس وصانسيلك ولوريال وايفري ستراند وغيرها من الشامبوهات أنواع كتيررررر.
•فيه بنات بتشتكي من ريحة شعرهم مش حلوة بنصحها تستخدم شامبوهات القشرة معناها فروة راسها دهنية
وترطب أطراف شعرها بسيروم خفيف أو حمام كريم عالأطراف علشان يعوض الجفاف اللي بيسببه استخدام شامبوهات القشرة.
•فيه بقى حاجه حلوة جدا عطور للشعر
إما بيرفيوم (فرنسي) ودي بتتوفر في بعض الهايبر
وبتتباع فى الصيدلية
ومنها مخمرية عربيه للشعر بروايح كتير سواء عربي او على ورد ياسمين او روايح غربي.
🌸الجسم:
•الشاور چيل والاستحمام مرتين ل ٣ مرات بالاسبوع.
ولو عايزه تاخدي شاور يومي ياريت بلاش شعرك يتغسل كل يوم.
•الشاور چيل
زى لوكس و دوڤ
حلوين جدا
وروايحهم ناعمة جدا .
المهم ناخد شاور و تبقى ريحتنا حلوة.
وفيه ماركات عاديه وحلوه جدا برضه زي كامينا ولوكس
•بعد الشاور مهم تحطي عطر خفيف بادي سبلاش للجسم ودا غير البيرفيوم بتاعك او بودرة انشنتر .
البادي سبلاش من ڤيكتوريا سيكرت وباث اند بودي ووركس حلوين.
•لو بتحبي العطور العربي يبقى تحطي بعد الشاور نقط على اماكن النبض ورا الاذن وعلى الرسغ.
•او لو عندك مخمرية للجسم ودي فيه منها بروايح عربي وفيه منها بروايح غربي حلوه اوي.
و ممكن تشترى زيت برفيوم من عبدالصمد القرشى او ماء الذهب و تحطية على زيت جونسون و تدهنى الجسم بالكامل من الخليط هتبقى ريحتك جميلة و مرطبة جسمك كمان.
🌸الاندر ارمز:
•بعد الشاور مزيل العرق دة اساسى
مزيل عرق ڤيشي الأحمر ممتاز.
و بتاع يورياچ حلو
ولو عايزه حاجه سعرها قليل fa حلو
مش بيسببوا اسمرار
ڤيبكس يا بنات بلاش منة خالص.
•لو عايزه انتهاء تماما للعرق ونتيجته حلوه جدا جدا ومريحه لمنطقة الاندر ارمز يبقى بوتوكس بيمنع العرق تماما لمدة ٦ شهور ودا ممتاز جدا جدا.
•ماتحطيش بيرفيوم على جلد الاندر ارمز فيه ناس جلدها بيلتهب وبيسمر.
🌸المنطقة الحساسة:
يكفي اي غسول مهبلي تجميلي خارجي بسيط فى ماركة سوزى و جولد وسيتيال.
•التعطير بمسك ابيض حلو بتحطي نقطه منه على الفوط اليوميه مش على الجلد او البانتى.
•الفوط اليومية مهمه جدا علشان تحافظي على نظافتك فريش دايز او اولويز او الافضل وهي كير فري.
•تغيري البانتي بتاعك مره يوميا على الاقل
🌸القدمين:
•لازم تغيري الشراب اللي بتلبسيه يوميا.
•لازم تختاري شوزاتك بحيث يكون جلدها نوعه كويس
فيه جلود بتعمل ريحه مش كويسه مع العرق.
•تغسلي رجلك لما تروحي البيت بشاور چيل.
•فيه معطرات للقدمين
•وفيه بودرة معطرة للقدمين بتتحط وانتي خارجة قبل ماتلبسي الشوز.
كعوب الرجل بعد كل شاور تتعمل كوبس جدا بالحجر بتاع العطار عشان تبقى ناعمة و اساسى نلبس شبشب فى الشقة.
🌸ملابسك تتغسل اول بأول سواء بيت أو خروج.
طبعا مش هاوصيكي ماتخرجيش بعطر العطور للبيت فقط بس اخرجي نظيفة .
تسلمي
ردحذف