هنتكلم عن ازاي تهتمي بالمنطقه البكيني وتخلى ريحتك حلوة
وخصوصا العرايس اللي معانا
والروتين ده روتيني الشخصي
اولا
* نهتم بنضافة ازاله الشعر
باي وسيلة اللي يريحكم شيفينج
سويت كريم
كل واحدة وليها الطريقه اللي تريحها
واللي هتقول الشيفينج بتغزر الشعر غلط
هيا بتطلعه بدري هيا والكريم
واي وسيله بتستخدميها بتسمر المنطقه
* بعد نزع الشعر تعملي اسكراب سكر وليمون او ماسك القهوة حلو جدا وهيفتح معاكي
ومسك الطهارة ده يبقي صديقك المفضل
تعطير وتفتيح تستخدميه من برة نقطتين وتمسحي بيه وبين رجليكي ومنطقة العانة تمسحي بقطنه
وما تدخليش جوه اي حاجه وخاصه البناااااات
* لبس الاندرات قطن مهم جدا
تغيري عل الاقل مرتين باليوم
* نقطه مهمه جدا لو اي بنت او مدام استخدمتها عمرها ما هتشتكي من التهابات وريحه وحشه
فوطه صغيرة لاستخدامك انتي وبس
ومع كل دخلة حمام تشطفي تنشفي المنطقه كويس من قدام لورا وليس العكس
* التنشيف مهم جدا يا بنات مش بتدي فرصه لاي بكتريا او فطريات تنمو
لانها بتنمو في مكان رطب
الفوطه دي في الحمام خاصه بس للتنشيف
وعمرك ما هتشتكي من التهاب
*غسول جولد
ده امن على البنات والحوامل
يستخدم للتشطيف الخارجي يتخفف بميه وتشطفي بيه
بيديكي انتعاش وريحه جميله ومينفعش يستخدم عل طول علشان برضه في فطريات بيفرزها المهبل دي بتبقي مش ضارة .
* وقت البريود او الدورة الشهريه
اهتمي بتغيير الحفاضات متكسليش وتسيبي نفسك وغيرك يشم الروايح وخصوصا لو بتروحي جامعه او مكان عام
خدي الخفاض معاكي بالشنطة وغيري اكتر من مرة
ريحتك تفضل جميله وتحمي نفسك من الالتهابات
لان الالتهابات دي حاجه مش سهله دي بتمنع الحمل وسبب رئيسى في منع الحمل
ده غير انها بتقلب مزمنه بهرش وقرف انتي في غنى عنه
* البنات فيه كتير منهم معتقد ازالة الشعر بس عند الجواز
لا يا قمر نضفي نفسك وعودي نفسك على النضافه
النضافه مش بالرجاله ولا الجواز
انضفي علشان نفسك انتي
* حبي نفسك ودلعيها
هاتي واصرفي وادلعي متخليش اي حاجه نفسك فيها وتبخلي على نفسك
ليست هناك تعليقات